དུས་ཆེན་སྲུང་བརྩི་དང་མཉམ་བཀའ་དྲིན་རྗེས་དྲན་ཞུ་དགོས།

October 20, 2015

RFA | ཨ་རིའི་རྒྱལ་སར་༧གོང་ས་མཆོག་ལ་ཨ་རིའི་གསེར་གྱི་གཟེངས་རྟགས་འབུལ་བཞེས་མཛད་པའི་ཉིན་མོ་སྲུང་བརྩི་ཞུས་གནང་འདུག
དེ་ཡང་ཨ་རིའི་རྒྱལ་སའི་མངའ་ཁུལ་གྱི་ས་གནས་བོད་མིའི་སྤྱི་མཐུན་ཚོགས་པས་གོ་བསྒྲིགས་འོག ཕྱི་ཟླ་༡༠ཚེས་༡༧ཉིན་ས་གནས་བོད་མི་རྣམས་ཀྱིས་༧གོང་ས་མཆོག་ལ་ཨ་རིའི་གསེར་གྱི་གཟེངས་རྟགས་འབུལ་བཞེས་མཛད་ནས་ལོ་༨འཁོར་བའི་དུས་ཆེན་སྲུང་བརྩི་ཞུས་གནང་ཡོད་པ་རེད།


མཛད་སྒོའི་སྐུ་མགྲོན་གཙོ་བོ་ཨ་རིའི་བོད་ཀྱི་སྐུ་ཚབ་དོན་གཅོད་དབུ་དཀར་ཚང་སྐལ་རྡོར་ལགས་ཀྱིས་དུས་དྲན་དང་འབྲེལ་བའི་གསུངས་བཤད་གནང་སྐབས། ༧གོང་ས་མཆོག་ལ་ཨ་རིའི་གསེར་གྱི་གཟེངས་རྟགས་འབུལ་བཞེས་མཛད་པའི་ཉིན་མོ་སྲུང་བརྩི་ཞུས་པ་བརྒྱུད་ནས་༧མགོན་པོ་གང་ཉིད་ཀྱི་བཀའ་དྲིན་རྗེས་དྲན་ཞུ་དགོས་སྐོར་གསུངས་བ་དང་། ད་དུང་སྐུ་ཚབ་དོན་གཅོད་མཆོག་གིས། ཕྱི་ཟླ་༡༠པའི་ནང་གི་༧གོང་ས་མཆོག་གི་མཛད་འཕྲིན་ཕྱིར་འཐེན་མཛད་དགོས་བྱུང་ཡང་སྐུ་ཁམས་གསལ་ཐང་ཡིན་སྐོར་གསུངས་གནང་ཡོད་པ་རེད།


དེ་བཞིན་འཆར་ལོའི་ཕྱི་ཟླ་དང་པོའི་ནང་སླར་ཡང་ཨ་རིར་ཆིབས་བསྒྱུར་གནང་རྒྱུའི་མཛད་འཆར་ཡོད་སྐོར་གསུངས་ཡོད་པ་དང་། གཞན་ཡང་ཉེ་ཆར་ཨ་རི་དང་རྒྱ་ནག་གི་སྲིད་འཛིན་ནས་གསར་འགོད་ལྷན་ཚོགས་གནང་སྐབས་བོད་ཀྱི་གནད་དོན་ཐོག་བཀའ་མོལ་གནང་བས་མ་ཚད། ཟུར་དུ་མཇལ་མོལ་སྐབས་སུའང་བོད་དོན་གླེང་སློང་བྱུང་ཡོད་སྐོར་གསུངས་ཡོད་པའི་སྐོར་དང། དེ་བཞིན་ཨ་རིའི་གཞུང་གིས་བོད་མིར་དཔལ་འབྱོར་གྱི་རྒྱབ་སྐྱོར་བཟང་དུ་ཕྱིན་པར་བརྟེན་མ་འོངས་པར་བོད་མིའི་གཞིས་ཆགས་ཁག་གི་ནང་ལས་འཆར་ཁག་སྤེལ་རྒྱུར་སྟབས་བདེ་པོ་ཆགས་རྒྱུ་ཡིན་སྐོར་དང་། བོད་མི་རྣམས་ནས་འོས་བསྡུའི་ལས་རིམ་སྐབས་ཆོལ་ཁ་ཆོས་ལུགས་དང་ལུང་ཚན་སོགས་ཀྱི་དབྱེ་འབྱེད་མེད་པར་ལྷག་བསམ་ཅན་གྱི་བོད་མིར་འོས་འཕེན་དགོས་པའི་ལམ་སྟོན་ཡང་གནང་ཡོད་པ་སོགས་དེ་གའི་མཛད་སྒོའི་སར་རྒྱལ་སའི་ཁུལ་གྱི་རེས་གཟའ་ཉི་མོའི་སློབ་ཕྲུག་ཁག་ཅིག་དང་ས་གནས་ཟློས་གར་རུ་ཁག་གིས་བོད་མིའི་རིག་གཞུང་གི་འཁྲབ་སྟོན་གནང་བ་དང་། 


མཇུག་ཏུ་བོད་ཀྱི་གནའ་བོའི་སྒོར་གཞས་འཁྲབ་ནས་ཉིན་མོ་དེ་དགའ་དད་སྤྲོ་གསུམ་གྱི་ངང་སྲུང་བརྩི་ཞུས་ཡོད་པའི་གནས་ཚུལ་བཀོད་འདུག

གསར་འགོད་པ་པ་སངས་དོན་ལྡན།

 

 

 

Please reload

Featured Posts

Tibetan Uprising Day in Washington, DC

March 11, 2018

1/6
Please reload

Recent Posts
Please reload

  རྒྱལ་སའི་མངའ་ཁུལ་བོད་རིགས་སྤྱི་མཐུན་ཚོགས་པ།

Capital Area Tibetan Association | catatibet@gmail.com

 

 

 

  • Facebook Social Icon